Qarabağla Qəbələ üçün xoş olmayan statistika

Azərbaycanı Avropa Liqasında təmsil edən "Qarabağ"la "Qəbələ" sabah qrup mərhələsində növbəti matçını keçirəcək. Azerispsort.az xəbər verir ki, Ağdam klubu səfərdə Çexiya "Slovan"ının qonağı olacaqsa, qəbələlilər Bakıda Belçika "Anderlext"i ilə qarşılaşacaqlar.

Təmsilçilərimiz qrup mərhələsinin 5-ci turuna mənfi statistika ilə başlayacaq. Məsələ burasındadır ki, "Qəbələ" Avroliqanın qrup mərhələsindəki bütün oyunlarında məğlub olan yeganə komandadır. "Qarabağ" isə Çexiya klubları ilə oyunlarda heç vaxt qələbə qazana bilməməsi ilə seçilir. Belə ki, indiyə qədər 5 dəfə bu ölkə təmsilçiləri ilə üz-üzə gələn Ağdam klubu 3 dəfə heç-heçə etdiyi halda, 2 dəfə də məğlub olub.