AZAL-a texniki məğlubiyyət verildi, İnterin futbolçusu 12 aylıq cəzalandı

Bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra müxtəlif çempionatlarla bağlı aşağıdakı qərarlar çıxarılıb:

U-17 Liqasında “Neftçi” – “Qəbələ” matçının 90+4-cü dəqiqəsində “Neftçi”nin futbolçusu Bəşir Aylarov kobud oyuna görə birbaşa qırmızı vərəqə alaraq, meydandan kənarlaşdırıldığı üçün 2 oyun cəzalanıb.

U-10 Liqasının AZAL PFK – “Sərhədçi” matçında meydan sahibləri iştirak etmədiyinə görə AZAL-a 0:3 hesablı texniki məğlubiyyət verilib.

U-11 Liqasının “Bakı”– “Xəzri” matçında “Bakı”nın məşqçisi Etibar Səfərəliyev hakimi təhqir etdiyinə görə texniki zonadan kənarlaşdırıldığı üçün 3 oyun cəzalanıb.

U-13 Liqasında “Sabirabad” – UGİM (Göyçay) matçının 13-cü dəqiqəsində “Sabirabad”ın futbolçusu Aqşin Ramazanov kobud oyuna görə birbaşa qırmızı vərəqə alaraq, meydandan kənarlaşdırıldığı üçün 2 oyun cəzalanıb.

U-14 Liqasında UGİM (Göyçay) – UĞUR Gİİ (Ucar) matçının 40-cı dəqiqəsində UGİM klubunun futbolçusu Nicat Məmmədov kobud oyuna görə birbaşa qırmızı vərəqə alaraq, meydandan kənarlaşdırıldığı üçün 2 oyun cəzalanıb.

U-17 Liqasında “İnter” PİK – AZAL PFK matçının 37-ci dəqiqəsində “İnter”in futbolçusu Bayram Paşazadə kobud oyuna görə birbaşa qırmızı vərəqə alaraq, meydandan kənarlaşdırıldığı üçün 2 oyun cəzalanıb. Oyun başa çatdıqdan sonra “İnter”in futbolçusu Riad Abbaszadə AZAL klubunun rəsmi şəxsini bilərəkdən vurduğuna görə 12 ay yarışlardan kənarlaşdırılıb. “İnter” klubuna daxili nizam-intizam qaydalarına əməl  edilməsi haqqında xəbardarlıq olunub.