Dmitri Nağıyev: Ümid edirəm ki, yenə özümü göstərmək şansı qazanacağam

Futbol üzrə Azərbaycanın gənclərdən ibarət yığma komandasının üzvü Dmitri Nağıyev şərəfini qoruduğu "Dnepr"in heyətində Ukrayna Premyer Liqasında debüt etdiyi "Vorskla" ilə səfər oyunu (2:1) barədə fikirlərini bölüşüb. Azerisport.az saytına açıqlamasında o, bunları söyləyib:

"Şadam ki, "Vorskla"ya qalib gəldik. Komandamız daha öncə də layiqli oyun sərgiləyirdi, sadəcə, qələbə çatışmırdı. Ələ düşən qol şanslarından yararlana bilmirdik. "Vorskla" ilə oyunda isə həm qol vura, həm də qalib gələ bildik. Özü də yaxşı oyunla. Mən də meydana çıxdım, komandamın qələbə qazanmasına kömək etdim. Baş məşqçi məni meydana buraxanda vaxt öldürməyimi, pauzalar etməyimi tapşırdı. Ümid edirəm ki, bundan sonra da özümü göstərmək şansı qazanacağam. Daha çox məşq etməyim, baş məşqçiyə isbatlamağım lazımdır ki, əsas heyətdə oynamağa layiqəm. Qışa qədər dörd tur var və bu oyunlarda meydanda olmaq istəyirəm. Yaxşı kollektivimiz var, bunun özü böyük üstünlükdür. Bu heyət növbəti mövsüm də qalsa, əminəm ki, yüksək yerlər uğrunda mübarizə aparacağıq".