Eddi oynamadı, komandası 4 qola sevindi

Futbol üzrə İspaniya ikinci liqasında 15-ci turun oyunları keçirilib. Azerisport.az xəbər verir ki, Azərbaycan yığmasının yarımmüdafiəçisi Eddi İsrafilovun komandası - "Kadis" də növbəti matçına çıxıb.

Sözügedən klub doğma meydanda "Alkorkon"la qarşılaşıb. Futbolçumuzun komandası bu görüşdən qələbə ilə ayrılıb - 4:1.

İsrafilov bu görüşü sonadək ehtiyat oyunçular skamyasından izləyib.

Qeyd edək ki, "Kadis" 15 turdan sonra 21 xalla 22 klub arasında 8-ci pillədə qərarlaşıb.