Oliver Norvud: Qrup ikincisi biz ola bilərik

Şimali İrlandiya yığmasının yarımmüdafiəçisi Oliver Norvud DÇ-2018-in seçmə mərhələsi çərçivəsində Azərbaycan üzərində qazandıqları 4:0 hesablı qələbədən və mundiala yollanmaq şanslarından danışıb. Azerisport.az xəbər verir ki, o, bunları söyləyib:

"Hədəfimizə çata bilərik. Azərbaycan yığması ilə oyunumuzu gördünüz. Bu rəqib bizimlə oyuna qədər qol buraxmamışdı. Amma biz onları böyük hesabla məğlub etdik. Çexiya yığması da yaxşı komandadır. Almaniya yığmasının qrup qalibi olacağı şübhə doğurmur. Onları bundan məhrum edəcək kimisə görmürəm. İndi biz ikinci pillədəyik və bu mövqeyimizi qorumaq üçün qarşıdakı oyunlarda bacardığımız qədər çox xal toplamalıyıq". (Belfast Telegraph)