Qəbələnin hücumçusu milliyə də kömək edə bilməyəcək

"Qəbələ"nin hücumçusu Sergey Zenyov şərəfini qoruduğu Estoniya yığmasının qarşıdakı yoxlama oyunlarında iştirak edə bilməyəcək. Azerisport.az xəbər verir ki, komandasının DÇ-2018-in seçmə mərhələsi çərçivəsindəki Belçika ilə səfər oyununa (1:8) dəvət alsa da, zədə səbəbindən heyətdən çıxarılan futbolçunun vəziyyəti ürəkaçan deyil.

Artıq "Qəbələ"nin düşərgəsinə qayıdan hücumçu Estoniya yığmasının qarşıdakı yoxlama oyunlarını da buraxmalı olacaq. Estonlar noyabrın 20-də Sent-Kits və Nevis, ayın 22-də isə Antiqua və Barbuda ilə üz-üzə gələcək.