"Hollandiya klubunda yaxşı oynayıb, Azərbaycan millisinə dəvət almaq istəyirəm"

U-19 millimizin və Hollandiyanın "Den Boş" klubunun yarımmüdafiəçisi Ziya Əzizov Azərbaycan yığmasının DÇ-2018-in seçmə mərhələsindəki çıxışından danışıb. Azerisport.az saytına açıqlamasında o, bunları söyləyib:

"Azərbaycan yığmasının hər matçını maraqla izləyirəm. Şimali İrlandiya ilə səfər matçına da baxdım. Çox güclü qrupda yer almışıq. Buna baxmayaraq, komandamız artıq bu qrupdan çıxmaq uğrunda mübarizə aparmaq gücündə olduğunu göstərib. Son turdakı 0:4 hesablı məğlubiyyətə baxmayaraq, əvvəlki oyunlar millidə potensial olduğuna sübutdu. Mart ayında Almaniya ilə ev oyunu var. Həmin oyunda hər şey ola bilər. Dünya futbolunda o qədər sürprizlər olur ki... Onu da qeyd edim ki, özümü gələcəkdə yığma komandada görürəm. Hollandiyada öz klubumda yaxşı oynamaq və milli komandaya dəvət almaq istəyirəm".