UEFA klublarımızı sevindirdi: Qarabağ 1 milyon avrodan çox gəlir əldə etdi

Azərbaycanın beş klubu 2016-2017-ci il mövsümündə UEFA Çempionlar Liqası və UEFA Avropa Liqası turnirlərində iştiraka görə UEFA tərəfindən ayrılmış maliyyə vəsaiti əldə edib. Azerisport.az xəbər verir ki, bu barədə AFFA məlumat yayıb.

Məlumatda bildirilir ki, 2016-2017-ci il mövsümündə UEFA Çempionlar Liqası və UEFA Avropa Liqası turnirlərində iştiraka görə UEFA tərəfindən ayrılmış maliyyə vəsaiti AFFA-nın vasitəçiliyi ilə müvafiq qaydada aşağıda göstərilmiş klubların hesabına köçürülüb:

“Qarabağ” – 1 088 460.00 avro
“Neftçi” – 458 620.00 avro
“Qəbələ” – 733 660.00 avro
“İnter” – 58 660.00 avro
“Kəpəz” – 440 000.00 avro (Klubun aylıq cari xərclərini ödəmək üçün növbəti aylarda hesabına köçürüləcək)