Rəşad Sadıqov ili başa vurdu

Futbol üzrə Azərbaycan yığmasının və "Qarabağ"ın kapitanı Rəşad Sadıqov bu gün Almaniyanın Münhen şəhərindən Bakıya qayıdıb. Azerisport.az xəbər verir ki, sözügedən şəhərə müayinəyə yollanmışdı.

Həkimlər bildiriblər ki, təcrübəli müdafiəçi 10-12 gün istirahət etməlidir. Ondan sonra isə müalicəyə start veriləcək.

Artıq Sadıqovun 2016-cı ildə meydana çıxmayacağı dəqiqləşib. O, nəinki komandasının Topaz Premyer Liqasının bu il baş tutacaq oyunlarını, eləcə də Avropa Liqasının qrup mərhələsinin son iki turunda Çexiya "Slovan"ı (24 noyabr) və İtaliya "Fiorentina"sı (8 dekabr) ilə matçlarını buraxacaq.