Norvud: Azərbaycanla oyunda top saxlamaq yox, irəli gedib, qol vurmaq haqda düşünürdük

Futbol üzrə Şimali İrlandiya yığmasının yarımmüdafiəçisi Oliver Norvud DÇ-2018-in seçmə mərhələsi çərçivəsində Azərbaycana qarşı keçirdikləri oyunu şərh edib. Azerisport.az xəbər verir ki, o, 4:0 hesablı qələbə ilə bağlı bunları söyləyib:

"Azərbaycanla oyunun ağır keçəcəyini bilirdik. Çünki rəqib seçmə mərhələyə yaxşı başlamışdı, ilk üç oyunda qol buraxmamaışdı. Amma başa düşürdük ki, doğma meydanda, azarkeşlərimiz qarşısında qələbə qazanmağa, rəqibə şans verməməyə borcluyuq. Biz ötürmələrlə oynamaq, top saxlamaq barədə yox, məhz irəli getmək, qollar vurmaq barədə düşünürdük. Oyundan öncə biz onların Norveçlə oyununa baxmışdıq. Norveçlilər həmin matçda topu meydanda ora-bura ötürməklə məşğul idilər və sanki bundan razı görünürdülər. Amma biz tam fərqli oynadıq".

(Belfast Telegraph)