Deni Qaysumov: Azərbaycan qrup ikinciliyi uğrunda mübarizə apara bilər
Futbol üzrə Azərbaycan yığmasının sabiq üzvü Deni Qaysumov millimizin DÇ-2018-in seçmə mərhələsi çərçivəsində Şimali İrlandiyaya qarşı keçirdiyi səfər oyunundan danışıb. Azerisport.az saytına açıqlamasında o, 0:4 hesablı məğlubiyyəti belə şərh edib:
"Standart vəziyyətlər qarşılaşmanın taleyini həll etdi. Halbuki, hesab 0:2 olarkən qol vurmaq üçün yaxşı şanslar var idi. Dəniz Yılmaz qapıçı ilə üz-üzə qaldığı epizodda fərqlənə bilsəydi, matçın gedişatında dəyişiklik etmək olardı. Robert Prosineçkinin meydana buraxdığı heyət pis təsir bağışlamırdı. Sadəcə, müdafiədə diqqətli və inamlı oynamaq lazım idi. Bu komanda qrup ikinciliyi uğrunda mübarizə apara bilər. Amma standart vəziyyətlər zamanı çoxlu problemlər var ki, bunları aradan qaldırmaq lazımdır".
