Samir Musayev: Ümid edirəm ki, Dəniz Yılmaz debüt matçında qol vuracaq

"Qarabağ"ın sabiq məşqçisi Samir Musayev DÇ-2018-in seçmə mərhələsi çərçivəsində keçiriləcək Şimali İrlandiya - Azərbaycan oyunu öncəsi fikirlərini bölüşüb. Azerisport.az saytına açıqlamasında o, bunları söyləyib:

"Uşaqlarda özünəinamın olması çox önəmlidir. Bu, çox yaxşı motivasiyadır. Sadəcə, Rəşad Sadıqovun yoxluğu indiki məqamda çox böyük itkidir. O, yığmanın lideridir və təcrübəsi ilə meydanda komandamıza çox faydası dəyə bilərdi. Ümid edirəm ki, onun yoxluğu komandamızın oyununa ciddi təsir göstərməyəcək. Dəniz Yılmazın oyununu görməmişəm. Amma bir halda ki, dəvət ediblər, deməli, ondan nəsə fayda gözləyirlər. Ümid edirəm ki, meydana çıxsa, Şimali İrlandiyaya qol vuracaq".