Millimizin uğurlu seriyası biabırçı məğlubiyyətlə qırıldı

Futbol üzrə Azərbaycan yığması bu gün DÇ-2018-in seçmə mərhələsi çərçivəsində növbəti matçına çıxıb. Azerisport.az xəbər verir ki, millimiz səfərdə Şimali İrlandiyanın qonağı olub.

Robert Prosineçkinin çalışdırdığı komandamız Belfastda baş tutan oyuna qrup ikinciliyini qorumaq üçün çıxmışdı. Bu baxımdan millimizə hətta heç-heçə də bəs edəcəkdi.

Lakin təəssüf ki, bu görüş millimizin uğurlu seriyasının başa çatması ilə nəticələnib. 90 dəqiqədə qapısında 4 cavabsız qol görən millimiz meydanı biabırçı məğlubiyyətlə tərk edib. Nəticədə, Şimali İrlandiya Azərbaycanı ikinci pillədən sıxışdırıb çıxarıb.

Yığmamızın yer aldığı qrupda bu gün daha iki oyun baş tutub. Çexiya Norveçi 2:1 hesabıyla məğlub edib. Səfərdə San Marino ilə qarşılaşan Almaniya isə 8 cavabsız qolla (!) qalib gəlib.

DÇ-2018-in seçmə mərhələsi
C qrupu
11 noyabr

Şimali İrlandiya - Azərbaycan - 4:0 (2:0)
Qollar: K.Lafferti, 27 (1:0). Q.Makauli, 40 (2:0). K.Maklaflin, 66 (3:0). K.Brant, 83 (4:0).
Sarı vərəqə: E.Mahmudov, 39. Ş.Ferqyuson, 72. K.Evans, 75. D.Nazarov, 84.
Baş hakim: Kleman Turpen (Fransa).
Belfast. "Uindzor Park" stadionu.

Şimali İrlandiya: 1. Maykl Makqovern, 2. Konor Maklaflin, 3. Şeyn Ferqyuson (7. Nayal Makqinn, 73), 4. Qaret Makauli, 5. Conni Evans, 8. Stiven Devis (k), 10. Kayl Lafferti (9. Uill Qriqq, 61), 11. Kris Brant, 13. Korri Evans (17. Peddi Makneyr, 81), 16. Oliver Norvud, 21. Coş Macennis.
Ehtiyat oyunçular: 12. Alan Mannus, 23. Trevor Karson, 6. Li Hodson, 14. Liam Boys, 15. Rayan Makqivern, 18. Aron Hyuz, 19. Pol Peton, 20. Metyu Lund, 22. Tomas Flenaqan.
Baş məşqçi: Maykl O`Nil.
Azərbaycan: 1. Kamran Ağayev, 2. Qara Qarayev, 3. Məhəmməd Mirzəbəyov, 5. Maksim Medvedev, 6. Bədavi Hüseynov, 10. Ruslan Qurbanov (18. Ağabala Ramazanov, 76), 16. Emin Mahmudov (13. Dmitri Nazarov, 70), 19. Rahid Əmirquliyev (k), 20. Ramil Şeydayev (11. Dəniz Yılmaz, 46), 21. Arif Daşdəmirov, 22. Əfran İsmayılov.
Ehtiyat oyunçular: 12. Anar Nəzirov, 23. Səlahət Ağayev, 4. Pavel Paşayev, 7. Araz Abdullayev, 8. Eddi İsrafilov, 9. Namiq Ələsgərov, 14. Elvin Məmmədov, 15. Ruslan Abışov, 17. Tərlan Quliyev.
Baş məşqçi: Robert Prosineçki.