AFFA Zirənin futbolçusunu bağışladı

AFFA İntizam Komitəsinin növbəti iclası keçirilib. Azerisport.az xəbər verir ki, bu gün keçirilən iclasda Topaz Premyer Liqasında çıxış edən klubların əvəzedici heyətləri arasında təşkil olunan ölkə birinciliyinin 11-ci turunun oyunları ilə bağlı aşağıdakı qərarlar qəbul olunub:

AZAL - “Qəbələ” matçının 82-ci dəqiqəsində “Qəbələ”nin futbolçusu Hacıağa Hacılı ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klubu 100 manat cərimə olunub.

“Neftçi” - “İnter” matçında “İnter”in 4 futbolçusu sarı vərəqə ilə cəzalandığı üçün klub 400 manat cərimə olunub.

“Zirə” klubu Apellyasiya Arbitraj Tribunalına müraciət edərək 9-cu turda AZAL-a qarşı keçirdikləri oyunda futbolçusu Əmrah Əliyevə göstərilmiş qırmızı vərəqəyə yenidən baxılmasını xahiş edib. Apellyasiya Arbitraj Tribunası bu məsələyə baxılması üçün İntizam Komitəsinə müraciət edib. İntizam Komitəsi aşağıdakı qərarı qəbul edib:

İntizam Komitəsinin 11 №-li protokoluna əsasən əvəzedici heyətlərin 9-cu turunun AZAL  – “Zirə” matçında “Zirə”nin futbolçusu Əmrah Əliyevə verilmiş 4 oyunluq cəza 2 oyunluq şərti cəza kimi tətbiq edilir və futbolçuya 6 ay sınaq müddətə verilir. Sınaq müddəti ərzində futbolçu yenidən cəzalanacağı təqdirdə sanksiyanın növbəti hissəsi qüvvəyə minəcək.