Samir Əliyev: Legionerlər bizə kömək edə bilərdilər, amma mən gənclərə şans verməyi üstün tutdum

"Neftçi"nin əvəzedici komandasının baş məşqçisi Samir Əliyev sərəncamında olan beş legionerə "İnter"lə oyunda şans verməməsindən danışıb. Azerisport.az saytına açıqlamasında o, bunları söyləyib:

"Məsələ bu futbolçuların zəif olmasında deyil. Əksinə, onlar bu görüşdə bizə çox kömək edərdilər. Amma yerli futbolçulara şans verdim ki, daha da artırsınlar. Əsas komandanın baş məşqçisi Elxan Abdullayevlə də söhbətləşdim. O, mənə dedi ki, istəyirsən burax, istəmirsən yox. Biz də onları hələlik, oynatmamağa qərar verdik. Amma hamısı bizim komanda ilə birgə məşq edəcək. Ola bilər ki, gələcəkdə onların xidmətindən yararlandıq. Onlar bizə kömək edə bilərlər",

Qeyd edək ki, "Neftçi"nin baş məşqçisi Elxan Abdullayev 9 gün əvvəl Krşevan Santini, Jayro, Vançe Şikov, Dario Melnyak və Denilsonu əvəzedici komandaya göndərib.