Dəniz Yılmaz 90 dəqiqə oynadı, Bursaspor xal itirdi

Futbol üzrə Türkiyə Super Liqasında 10-cu turun oyunları keçirilib. Azerisport.az xəbər verir ki, Azərbaycan yığmasının hücumçusu Dəniz Yılmazın komandası - "Bursaspor" da növbəti matçına çıxıb.

Bursa klubu səfərdə "Karabükspor"la üz-üzə gəlib. Futbolçumuzun komandası bu oyundan heç-heçə ilə ayrılıb - 0:0.

D.Yılmaz bu görüşə də start heyətdə başlayıb və 90 dəqiqə meydanda olub.

Qeyd edək ki, "Bursaspor" hazırda 20 xalla 18 klub arasında 4-cü pillədə qərarlaşıb.