Samir Abasov: Buradan sağ-salamat qayıtmağımız böyük işdir
"Sumqayıt"ın baş məşqçisi Samir Abasov Azərbaycan Premyer Liqasının 11-ci turu çərçivəsində "Kəpəz"ə qarşı keçirdikləri oyunu şərh edib. Azerisport.az xəbər verir ki, sumqayıtlıların çalışdırıcısı 0:0 hesabıyla bitən qarşılaşmadan sonra bunları söyləyib:
"Bu gün niyə qələbə qazana bilmədik? Məncə, bunun səbəbini axtarmağa gərək yoxdur, hər şey göz qabağındadır. Belə meydanda oynamaq çox çətindir. Adətən, komandanı oyuna hazırlayırsan, daha belə stadionda necə oynamağa yox. Burada gəzmək çətindi, qalmışdı oynamaq. Evə sağ-salamat qayıdırıqsa, böyük işdir. Aydın məsələdir ki, bizim uşaqlar təcrübə baxımından axsayırlar. Amma oyundan-oyuna daha da təcrübə toplayırlar. "Kəpəz"ə qalib gəlmək, onları qabaqlamaq istəyirdik. Ancaq alınmadı. Burada bir xal qazanmaq da uğurlu nəticədir".
