Dmitri Nazarov oynamadı, komandası uduzdu

Futbol üzrə Almaniya ikinci Bundesliqasında 12-ci turun oyunları keçirilib. Azerisport.az xəbər verir ki, Azərbaycan yığmasının yarımmüdafiəçisi Dmitri Nazarovun komandası - "Ersgebirge" də növbəti matçına çıxıb.

Sözügedən komanda doğma meydanda "Nürnberq"lə qarşılaşıb. Futbolçumuzun klubu bu oyundan da məğlubiyyətlə ayrılıb - 1:2.

Nazarovun adı bu görüşün iştirak ərizəsinə daxil edilməyib.

Qeyd edək ki, "Ersgebirge" 12 turdan sonra 10 xalla 18 klub arasında 16-cı pillədə qərarlaşıb.