Qarabağ PAOK-un statistikasını korladı

Avropa Liqasının qrup mərhələsi çərçivəsində səfərdə Yunanıstan PAOK-u ilə qarşılaşan "Qarabağ" Bakıdakı 2:0 hesablı qələbənin ardından Salonikidə də 1:0 hesablı qalibiyyətə sevindi. Azerisport.az xəbər verir ki, nəticədə PAOK-un Azərbaycan klublarına qarşı keçirdiyi oyunların statistikası bir az da pisləşdi.

Saloniki təmsilçisi dördüncü dəfə qarşılaşdığı Azərbaycan klubu ilə oyunda yenə qələbə qazana bilmədi. Bu komanda ötən mövsüm iki dəfə "Qəbələ" üz-üzə gəlmiş və hər iki halda qolsuz bərabərliyə razılaşmışdı. Bu mövsüm isə yunanlar "Qarabağ"la hər iki oyundan məğlub ayrıldılar.