Qəbələ - Sent-Etyen matçına 4 min bilet satılıb

Avropa Liqasının qrup mərhələsi çərçivəsində bu gün keçiriləcək "Qəbələ" - "Sent-Etyen" oyununa bilet satışı davam edir. Azerisport.az xəbər verir ki, 11 000 azarkeş tutumuna malik "Bakcell Arena"da baş tutacaq oyuna indiyə kimi cəmi 4000 bilet satılıb.

Oyun saatına kimi qalan bütün biletlərin satılması inandırıcı görünmür. Bu üzdən də çətin ki, axşam bu oyunda anşlaq yaşansın.