Vladimir İviç: Qarabağın bir neçə oyunçusu var ki, onları diqqətdə saxlamaq vacibdir

Yunanıstanın PAOK klubunun baş məşqçisi Vladimir İviç Avropa Liqasının qrup mərhələsinin 4-cü turu çərçivəsində "Qarabağ"a qarşı keçirəcəkləri oyun öncəsi fikirlərini bölüşüb. Azerisport.az saytına açıqlamasında o, bunları söyləyib:

"Bakıdakı qarşılaşmada biz bəlkə də ilin ən pis oyununu keçirdik. Qarşıdakı görüşdə Azərbaycandakı oyunla müqayisədə daha effektli olacağımızı, intizamlı çıxış edəcəyimizi gözləyirəm. Sabah Kampuş və Pelkasın xidmətindən yararlana bilməyəcəyik. Onlar böyük ehtimalla "Panionis"lə oyuna hazır olacaqlar. Amma Tsavellas "Qarabağ"la oyunda meydana çıxa bilər.

Bakıdakı oyunu analiz etmişik. Futbolçular meydanda nəyi necə etmək lazım olduğunu bilirlər. "Qarabağ" dünyaca məşhur olmaya bilər, amma bu rəqibə qarşı yaxşı hazırlaşmaq lazımdır. Rəqibin heyətində bir neçə yüksək səviyyəli futbolçu var ki, onlara xüsusi diqqət yetirmək lazımdır".

(gazzetta.gr)