Türkiyə Kubokunda qrup mərhələsinin püşkü atıldı
Bu gün futbol üzrə Türkiyə Kubokunda qrup mərhələsinin püşkü atılıb. Azerisport.az xəbər verir ki, püşk nəticəsində Azərbaycan yığmasında çıxış edən futbolçuların klublrının da rəqibləri bəlli olub.
Ramil Şeydayevli "Trabzonspor" H qrupunda "Gümüşhanəspor", "Qızılcabölükspor" və "Konyaspor"la mübarizə aparacaq.
Millimizin sabiq müdafiəçisi Ufuk Budaq və komandası "Kayserispor" D qrupu çərçivəsində "Boluspor", "Beşiktaş" və "Gənclərbirliyi" ilə mübarizə aparmalı olacaq.
FİFA tərəfindən millimizdə oynamasına icazə verilən və Şimali İrlandiya ilə DÇ-2018-in seçmə mərhələ oyununa dəvət alması gözlənilən Dəniz Yılmazlı "Bursaspor" isə G qrupunda "Ümraniyəspor", "Aydınspor" və "Akhisar"la qarşılaşacaq.
Qeyd edək ki, 8 qrupdan ibarət bu mərhələdə ilk iki yeri tutan kollektivlər növbəti mərhələyə yüksələcəklər.
