Ufuk Budak Antalyaspora qarşı 90 dəqiqə oynadı

Türkiyə Super Liqasında 9-cu turun oyunları keçirilib. Azerisport.az xəbər verir ki, Azərbaycan yığmasının müdafiəçisi Ufuk Budağın komandası - "Kayserispor" da növbəti matçına çıxıb.

Sözügedən klub doğma meydanda "Antalyaspor"la qarşılaşıb. Futbolçumuzun komandası bu oyundan məğlubiyyətlə ayrılıb - 0:1.

Ufuk bu görüşə start heyətdə başlayıb və 90 dəqiqə meydanda olub.

Qeyd edək ki, "Kayserispor" 9 turdan sonra 8 xalla 18 klub arasında 15-ci pillədə qərarlaşıb.