Rizvan Fərzəliyev: Bizim qrupdan çıxmağımız sürpriz olmayacaq

"Araz"ın kapitanı Rizvan Fərzəliyev futzal üzrə UEFA Kubokunun qrup mərhələsində Rusiyanın "Qazprom-Yuqra", Almaniyanın "Hamburq Panters" və Xorvatiyanın "Nasional" klubuna rəqib olmalarından danışıb. Azerisport.az saytına açıqlamaısnda o, bunları söyləyib:

"Xorvatiya klubunu indidən hesabdan silmək lazım deyil. Baxmayaraq ki, hazırda nə vəziyyətdə olduqlarını bilmirəm. Onların həm də doğma meydan üstünlükləri olacaq. Ona görə də qrupdan çıxmaq uğrunda yalnız "Araz"la "Yuqra" mübarizə aparmayacaq. Birinci olmağa çalışacağıq. İki dəfə Dördlər finalında oynamışıq. Niyə buna üçüncü dəfə də nail olmayaq? "Araz" Aropada yaxşı tanınır. Hamı bizə hörmətlə yanaşır. Odur ki, bizim qrupdan çıxmağımız sürpriz olmayacaq".