Şahin Diniyev: Kəpəz fasilədən sonra özünü itirdi, təzyiqə dözmədi

Topaz Premyer Liqasının 10-cu turunda keçirilən “Zirə” – “Kəpəz” oyunundan sonra Gəncə klubunun baş məşqçisi Şahin Diniyev oyunla bağlı fikirlərini media ilə bölüşüb. Azerisport.az xəbər verir ki, o, bunları söyləyib:

“Olduqca çoxlu səhvə yol verdik. İkinci hissədə oyun yox idi. Komanda fasilədən sonra sanki özünü itirdi, təzyiqə dözmədi. Heç bir xətt istədiyimiz oyunu göstərə bilmədi. Ən pis oyunlarımızdan birini keçirdik. “Zirə”ni təbrik edirəm. Onların qələbə qazanmaq istəyi çox idi. Bu oyunu tez unutmalıyıq. Xal itkisi ilə yanaşı, futbolçular da itirdik. Zədəlilərimizdən əlavə cəzalılarımız da oldu. Heyətimiz kasad olduğundan problemlərimiz var. Çalışacağıq “Sumqayıt”la oyunda dönüş edək. Futbolun sevinci ilə bərabər kədəri də var. Bunu qəbul etmək və irəli baxmaq lazımdır. İlk qolla bağlı epizodun video təkrarına baxıb qərar vermək olar”.