Rail Məlikov: Vaqif Cavadov hazırda mövqeyində ən yaxşı formada olan futbolçudur

"Sumqayıt"ın müdafiəçisi Rail Məlikov komanda yoldaşı Vaqif Cavadovun Azərbaycan yığmasına çağırılmamasından danışıb. Azerisport.az saytına açıqlamasında o, bunları söyləyib:

"Bu, bizim yığmamızdırsa, onun qapıları kiminsə üzünə bağlı qalmamalıdır. Mən Vaqifin son toplanışa dəvət alacağını düşünürdüm. O, hazırda öz mövqeyində ən yaxşı formada olan futbolçudur. Mən özüm də nə vaxtsa yenidən yığmada oynamağın əleyhinə deyiləm. Yığmamız hazırda çox uğurlu çıxış edir və bu seçmə mərhələdə yeni tarix yaza bilər. Buna hamımız çox sevinirik. Oyunçuların hamısı meydanda var gücünü qoyur. Buna görə də komandamız hazırda qrup ikincisidiri".