Maksim Medvedev: Bizim üçün əsas nəticə idi, onu da qazandıq

"Qarabağ"ın müdafiəçisi Maksim Medvedev Avropa Liqasının qrup mərhələsi çərçivəsində Yunanıstan PAOK-u üzərində qazandıqları 2:0 hesablı qələbədən sonra jurnalistlərin suallarını cavablandırıb. Azerisport.az sizi həmin açıqlamalarla tanış edir:

- Ağır oyun odldu. Mübarizə, gərginlik var idi. Diqqətli olmağa çalışdıq. Rəqibi yaxşı analiz etmişdik. Bilirdik ki, yunanlarla oyunda səhvə yol vermək olmaz. Ola bilsin ki, o qədər də baxımlı oyun sərgiləmədik. Amma əsas nəticədir ki, onu da qazandıq. Bu qələəb bizim qrupdan çıxmaq şanslarımızı bir qədər yaxşılaşdırdı. Bu, komandada özünəinamı, motivasiyanı da yaxşılaşdıracaq.

- Sizə elə gəlmir ki, bu məğlubiyyətdən sonra onlar Yunanıstandakı oyunda daha aqressiv çıxış edib, qələbə qazanmağa çalışacaqlar?
- Artıq PAOK-un necə oynadığını, onlara qarşı necə mübarizə aparmaq lazım olduğunu bilirik. Bakıdakı oyundan öncə isə bir sıra suallar var idi. İndi isə rəqib barədə demək olar ki, hər şeyi bilirik.

- Komandanızın ən yaxşısı kimi hanı futbolçunu fərqləndirərdiniz?
- Belə oyundan sonra kimisə fərqləndirmək çətindir. Meydanda bütün komanda sonadək mübarizə apardı.

- Qazonun vəziyyəti sizi qane etdi?
- Əvvəlcə pis deyildi. Amma zaman keçdikcə köhnə problemlər üzə çıxmağa başladı və oynamaq da çətinləşirdi.

- Matçın əvvəlində heç də özünüzə bənzəmirdiniz. Bu, müdafiədəki mütəmadi yerdəyişmələrlə bağlıdı?
- Qazona görə idi.

- Qarşıda sizi "Neftçi" ilə çempionat oyunu gözləyir...
- Əlbəttə, Avroliqa matçından sonra çempionat oyununa köklənmək bir qədər çətin olur. Rəqiblərin səviyyə fərqi çoxdur. Məsələn, "Sumqayıt"la oyuna bir cür hazırlaşırıq, PAOK-la oyuna başqa cür. Həmdə "Sumqayıt"a qarşı bir ildə azı 4 dəfə oynayırıqsa, PAOK kimi rəqiblərlə 4-5 ildən bir. Həm də avrokubok oyunlarında buraxılan hər bir səhv komandaya baha başa gəlir. Amma Premeyr Liqadakı səhvləri növbəti oyunlarda kompensasiya etmək olur.