Vidadi Rzayev: Qarabağın PAOK-a qalib gələcəyinə 90 faiz əminəm

Veteran futbolçu Vidadi Rzayev "Qarabağ" və "Qəbələ"nin Avropa Liqasının qrup mərhələsi çərçivəsində bu gün baş tutacaq oyunları öncəsi fikirlərini bölüşüb. Azerisport.az saytına açıqlamasında o, bunları söyləyib:

"Qarabağ" bu gün PAOK-a qalib gələcək. Buna 90 faiz əminəm. Ağdamlılar doğma meydanda yaxşı çıxış edirlər. Bu gün də bunu növbəti dəfə sübut edəcəklər. Yunanların 10-ca faiz şansı var, bu da onların heç-heçə etməsinə görə. "Qəbələ"yə isə Fransada çox çətin olacaq. Uduzacaqlarını demək istəmirəm. "Qəbələ"nin Fransa klubları ilə oyun təcrübəsi var. "Sent-Etyen" də onların mübarizədən kənarlaşdırdığı "Lill" kimi komandadır. Ən azı heç-heçə edəcəklərinə ümidliyəm".