Malezas: Bakıda məğlubiyyət haqda düşünmürük

Avropa Liqasının qrup mərhələsi çərçivəsində sabah “Qarabağ”la qarşılaşacaq PAOK-un futbolçusu Stelios Malezas oyunöncəsi mətbuat konfransında jurnalistlərin suallarını cavablandırıb. Azerisport.az xəbər verir ki, vitse-kapitan oyunla bağlı bunları deyib:

"Rəqib kimi, bizə də qələbə lazımdır. Öz oyunumuzu sərgiləyə bilərik. Məğlubiyyət haqda düşünmürük. Yaxşı sürət yığmışıq. Eyni tempdə də davam etmək istəyirik. Motivasiya baxımından hər şey qaydasındadır. Fakundo Pereyra ölkəniz haqqında bizə müsbət fikirlər söyləyib. Rəqib haqda da az məlumat verməyib".