Sezar Meza Kolli: Neftçidən daha yaxşı oynadıq və qələbəyə layiq idik
"Zirə"nin yarımmüdafiəçisi Sezar Meza Kolli Topaz Premyer Liqasının 8-ci turu çərçivəsində "Neftçi"yə qarşı keçirdikləri oyundan (2:0) sonra jurnalistlərin suallarını cavablandırıb. Azerisport.az sizi həmin müsahibə ilə tanış edir:
- Oyun barədə nə deyə bilərsiniz?
- Bu gün kompakt oyun sərgilədik və inamlı çıxış etdik. Xüsusilə də müdafiədə çox yaxşı təsir bağışladıq. Ələ düşən şanslardan da yararlanıb, layiqli qələbə qazandıq.
- Bir epizodda rəqib futbolçuya sarı vərəqə göstərilməsini tələb etdiyiniz halda özünüz cəzalandınız. Bunun qaydalara zidd olduğunu bilmirsiniz?
- Oyunda elə temp var idi ki, hərdən belə məsələləri də unutmalı olurduq. Oyun zamanı belə məqamlar haqda düşünmək olmur.
- "Neftçi"nin oyunu barədə nə deyə bilərsiniz?
- Rəqib barədə heç nə deyə bilmərəm. "Zirə" bu gün yaxşı oynadı və "Neftçi" üzərində qələbəyə layiq idi.
- Hazırda 10 xalı olan "Zirə" ilk üçlük uğrunda mübarizə apara bilər?
- Qarşıdakı oyunlara hazırlaşacağıq. Onları da uğurlu nəticə ilə başa vurmalıyıq. Hər oyunda qələbə qazansaq, hər şey mümkündür.
- İlk üçlükdən hansı komandanı kənarlaşdıra bilərsiniz?
- Hadisələri qabaqlamaq istəmirəm. Biz oyundan oyuna irəliləməyə çalışacağıq.
