Şeydayev ehtiyatda qaldı, Trabzonspor qol vura bilmədi

Futbol üzrə Türkiyə Super Liqasında 7-ci turun oyunları keçirilib. Azerisport.az xəbər verir ki, azərbaycanlı futbolçu Ramil Şeydayevin komandası - "Trabzonspor" da növbəti matçına çıxıb.

Trabzon təmsilçisi doğma meydanda "Akhisar"la qarşılaşıb. Futbolçumuzun komandası bu oyundan heç-heçə ilə ayrılıb - 0:0.

İlk altı turdan fərqli olaraq, Ramilin adı bu görüşün iştirak ərizəsində yer alıb. Amma baş məşqçi Ərsun Yanal yenə onu meydana buraxmayıb.

Qeyd edək ki, "Trabzonspor" 7 turdan sonra 7 xalla 18 klub arasında 12-ci pillədə qərarlaşıb.