“Finlandiya ilə oyunda bizdə sadəcə, qol vurmaq alınmadı”
Azərbaycanın gənclərdən ibarət yığma komandasının və "Qarabağ"ın qapıçısı Şahruddin Məhəmmədəliyevin azerisport.az saytına müsahibəsi
- AÇ-2017-nin başa çatan seçmə mərhələsini Azərbaycan U-21-i üçün necə dəyərləndirərdin?
- Tsikl bizim üçün o qədər də sabit keçmədi. Avstriyaya böyük hesabla məğlub olmağımız bizə sonrakı oyunlarda da təsir etdi.
- Bəs öz oyunun barədə nə deyə bilərsən?
- Öz oyunum barədə heç vaxt danışmıram. Bu barədə məşqçilərimizin danışması daha doğru olar.
- Millimiz son oyunda Finlandiya ilə səfərdə qolsuz heç-heçəyə razılaşdı...
- Bu matçda yaxşı oynadıq. Rəqib qapısı qarşısında xeyli qol vəziyyətimiz də oldu. Sadəcə, qol vurmaq alınmadı.
- Eyni zamanda bu komandaya Bakıdakı məğlubiyyətin qisasını almaq mümkün olmadı...
- Bəli. Bunu çox istəyirdik. Ancaq alınmadı. Təəssüf ki, nə Finlandiyaya qalib gələ bildik, nə də ondan öncəki Farer adalarına (1:1).
- Bu, sənin U-21-də sonuncu oyunun idi. Səncə, bundan sonra gənclər yığmamızın qapıçısı kim olacaq?
- Bilmirəm.
- Bundan sonra yeni hədəf əsas millimizə dəvət almaq olmalıdır. Bunun üçün isə "Qarabağ"da İbrahim Şehiç, Boyan Şaranov və Emil Balayevlə rəqabətdən qalib çıxmaq lazımdır...
- Hələ gəncəm, karyeram qarşıdadır. Hər şeyə pozitiv yanaşıram. Fikrimcə, hər şey mənim üçün yaxşı alınacaq.
