Dmitri Kramarenko: Milli bu tempdə də davam etməlidir
Azərbaycan yığmasının sabiq qapıçısı Dmitri Kramarenko millimizin DÇ-2018-in seçmə mərhələsi çərçivəsindəki çıxışından söz açıb. Azerisport.az saytına açıqlamasında o, bunları söyləyib:
"Seçmə mərhələyə belə uğurlu başlamğımız əladır. Üç tura 7 xal qazanmaq nəsə yeni bir haldır. Millimiz Norveç və Çexiya ilə oyunlarda yaxşı mübarizə apardı. Qrupda ikinci yerdə gedirik. Amma bu, hələ son deyil. Bu tempdə də davam etmək lazımdır. İlk dəfə daha yüksək hədəflər uğrunda mübarizə apara bilən yığma komanda görürük. İndi hətta səfər oyunlarında da qarşımıza nəticə qazanmaq vəzifəsi qoyuruq. Amma bunun üçün hücumda da artırmaq lazımdır. Bu komandanı milli tarixinin ən yaxşısı adlandırmazdım. Heç kimin xətrinə dəymək istəmirəm. Amma bizim dövrümüzdə də güclü futbolçular var idi".
