Borek Doçkal: Azərbaycan 8 oyunçu ilə müdafiə olunurdu
Futbol üzrə Çexiya yığmasının yarımmüdafiəçisi Borek Doçkal DÇ-2018-in seçmə mərhələsi çərçivəsində Azərbaycana qarşı keçirdikləri oyunu şərh edib. Azerisport.az xəbər verir ki, o, 0:0 hesabıyla bitən görüşdən sonra bunları söyləyib:
"Bizim 3-4 real qol vəziyyətimiz olsa da, təəssüf ki, onlardan yararlana bilmədik. Belə uğursuz start, qol vura bilməməyimiz biabırçılıqdır. Birinci hissədə pressinq etməyi, azərbaycanlılara hücumda şans verməməyi bacardıq. Amma sonradan hər şey dəyişdi. Bizdə bir qədər ustalıq və kreativlik çatışmadı. Azərbaycan 8 futbolçu ilə müdafiə olunurdu, bizdə isə bu səddi yarmağa yeni ideyalar tapan yox idi. Artıq DÇ-yə vəsiqə əldə etmək üçün qalan oyunlarda qələbə qazanmaq barədə düşünməliyik. Eləcə də Azərbaycanla səfər oyununda".
