1/8 final mərhələsinin bütün cütlükləri bəlli oldu

Bu gün futbol üzrə Azərbaycan Kubokunda 1/16 final mərhələsinin oyunları keçirildi. Azerisport.az xəbər verir ki, Azərbaycan Birinci Divizionunda hazırda lider olan “Turan Tovuz” “Bakılı”nı  böyük hesabla (4:0) məğlub edərək, adını 1/8 final mərhələsinə yazdırdı. “Turan Tovuz” bu mərhələdə Topaz Premyer Liqasında çıxış edən “Zirə”ni qəbul edəcək.

1/16 final mərhələsinin digər görüşü Şəmkirdə reallaşdı. Şəhərin eyniadlı komandasını 2:1 hesabı ilə məğlub edən “Qaradağ Lökbatan” 1/8 final mərhələsində “İnter”in qonağı olacaq.

Beləliklə, 1/8 finalda qarşılaşacaq bütün cütlüklər bəllidir. Həmin qarşılaşmaların siyahısını təqdim edirik:

Azərbaycan Kuboku
1/8 final

"Turan Tovuz" - “Zirə”
“Neftçi” - “Şərurspor”
“Qarabağ” -  “Səbail”
MOİK - “Sumqayıt”
“İnter” – "Qaradağ Lökbatan"
“Şahdağ” - “Kəpəz”
“Qəbələ” - “Zaqatala”
AZAL -  “Rəvan”

1/16 final mərhələsində olduğu kimi, 1/8 finalda da qalib bir oyunda müəyyənləşəcək. 1/8 final mərhələsinin oyunları dekabrın 2-3-də keçiriləcək.