Hakimləri döyən baş məşqçiyə 10 oyunluq cəza

Bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra müxtəlif yaş qrupları üzrə uşaq komandaları arasında keçirilən oyunlarla bağlı aşağıdakı qərarlar çıxarılıb:

U-17 Liqasında “Sumqayıt” – “İnter” matçının 53-cü dəqiqəsində “İnter”in futbolçusu Tərxan Həsənzadə rəqibi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 3 oyun cəzalanıb. Oyunun 71-ci dəqiqəsində “İnter”in digər futbolçusu Elmin Əhmədli aqresiv davranışa görə birbaşa qırmızı vərəqə alaraq meydandan kənarlaşdırıldığı üçün 4 oyun cəzalanıb.

U-17 Liqasında “Kəpəz” – AZAL matçının 54-cü dəqiqəsində “Kəpəz”in futbolçusu Fərid Sultanzadə və AZAL-ın futbolçusu Zamir Hüseynzadə bir-birilərini təhqir etdiylərinə görə birbaşa qırmızı vərəqə alaraq meydandan kənarlaşdırıldıqları üçün hər ikisi 3 oyun cəzalanıb.

U-15 Liqasında “Neftçi” İK İB – “Vətən” matçının 70+6-cı dəqiqəsində “Vətən”in futbolçusu Yusif Ağaməmmədov və “Neftçi” İK İB-nin futbolçusu Ənvər Kərimov bir-birilərini təhqir etdiklərinə görə birbaşa qırmızı vərəqə alaraq meydandan kənarlaşdırıldıqları üçün hər ikisi 3 oyun cəzalanıb.

U-14 Liqasında “Təhsil” (Şəmkir) – Ağstafa Gəncləri (Ağstafa) matçının 57-ci dəqiqəsində “Təhsil”in baş məşqçisi İsmayıl Nəsibov hakimlər briqadasını təhqir etdiyinə və hakimlərə qarşı fiziki təsir göstərdiyinə görə 10 oyun cəzalanıb.

Futzal üzrə Azərbaycan birinciliyinin “Zülfiqar 114” – “Admiral” matçının 29-cu dəqiqəsində “Admiral”ın futbolçusu Asim Şükürov ikinci sarı vərəqə alaraq meydandan kənarlaşdırıldıqdan sonra hakimlər briqadasını təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyun cəzalanıb.