Amil Yunanov: Millimizin Çexiya ilə oyunda da uğurlu çıxışına inanıram

"Sumqayıt"ın hücumçusu Amil Yunanov Azərbaycan millisinin DÇ-2018-in seçmə mərhələsi çərçivəsində Çexiyaya qarşı keçirəcəyi oyunda şansları barədə danışıb. Azerisport.az saytına açıqlamasında o, bunları söyləyib:

"Çexiya ilə oyun çox çətin olacaq. Amma komandamıza inanıram. Uşaqlar yığmamızın azarkeşlərini sevindirmək üçün əllərindən gələni edəcəklər. Norveçlə oyuna gəlincə, komandamız pis oynamadı. Əks-hücuma üstünlük verdilər və bu, özünü doğrultdu. Bütün futbolçular meydanda var gücünü qoydu və qələbə qazanmağı bacardılar. Əsas da odur ki, millimiz növbəti 3 xalı qazandı".