Rahid Əmirquliyev: Müsbət nəticə qazanmaq istəyirik

Futbol üzrə Azərbaycan yığmasının yarımmüdafiəçisi Rahid Əmirquliyev DÇ-2018-in seçmə mərhələsi çərçivəsində Çexiyaya qarşı oyun öncəsi fikirlərini bölüşüb. Azerisport.az xəbər verir ki, o, bu gün Ostravada baş tutan mətbuat konfransında bunları söyləyib:

"Rəqib barədə çox danışmağa ehtiyac yoxdur. Hamı onları gözəl tanıyır. Bizi çətin oyun gözləyir. Çexiya yığmasını yaxşı analiz etmişik. Uğurlu oyun keçirmək, müsbət nəticə qazanmaq istəyirik".

Əmirquliyev rəqib komandanın baş məşqçisi Karel Yarolimin Robert Prosineçkini məşqçi kimi tanımadığına dair açıqlaması ilə bağlı bunları söyləyib: "İnanmıram ki, o, Prosineçkini tanımasın. Bunu eşitmək bir az gülməlidir. Amma biz əlimizdən gələni edəcəyik ki, onu yadda saxlasınlar".