Fizuli Məmmədov: Millimiz çexlərin güclü təzyiqinə davam gətirə bilər
Azərbaycan yığmasının sabiq futbolçusu Fizuli Məmmədov millimizin DÇ-2018-in seçmə mərhələsi çərçivəsində Norveç üzərində qazandığı qələbəni şərh edib, eləcə də Çexiya ilə matçla bağlı fikirlərini bölüşüb. Azerisport.az saytına açıqlamasında o, bunları söyləyib:
"Yığmamız Norveçə qarşı yaxşı oynadı. Oyuna yaxşı hazırlaşdıqları görünürdü. Komanda məşqçilərin hazırladığı planı reallaşdırdı. Amma çexlərlə oyun daha çətin olacaq. Rəqib komanda son oyunda uduzub və bu üzdən də ev oyununda fanatlarını sevindirməyə çalışacaq. Meydan sahibləri komandamızı güclü təzyiq altında saxlamağa çalışacaq. Amma komandamız bu təzyiqə dözə bilər. Komandamızın əsas üstünlüyü Norveç üzərindəki qələbədən sonra əla atmosferdir. Sabah standart vəziyyətlər zamanı xüsusilə diqqətli olmağımız lazımdır. Çexlərin sürətli oyun sərgiləməsinə imkan vermək olmaz. Uşaqlara uğurlar arzulayıram".
