AFFA rəsmisi Avropa Könüllülük Forumunda iştirak edəcək

AFFA-nın Könüllülər departamentinin rəhbəri Vüqar Rüstəmli oktyabrın 10-dan 14-dək Sloveniyanin Maribor şəhərində keçiriləcək Avropa Könüllülük Forumunda iştirak edəcək. Azerisport.az xəbər verir ki, forumun məqsədi beynəlxalq könüllülük layihələrinin indiki durumu, gələcək perspektivləri və inkişaf tredlərinin müzakirəsidir.

Avropa Komissiyasının Avropa  Könüllülük Xidməti proqramının 20 illiyinə həsr edilmiş forumda 28 ölkədən 50 nümayəndə iştirak edəcək. Forumda Vüqar Rüstəmli tərəfindən AFFA-nın həyata keçirdiyi könüllülük fəaliyyətinin təqdimatı da nəzərdə tutulub.