Hoqmo: Futbolçular Bakıdakı məğlubiyyətə görə üzr istəyə bilərdilər

Futbol üzrə Norveç yığmasının baş məşqçisi Per-Matias Hoqmo DÇ-2018-in seçmə mərhələsi çərçivəsində Bakıda Azərbaycan yığmasına 0:1 hesablı məğlubiyyətdən sonra vətənə qayıdan kimi jurnalistlər üçün mətbuat konfransı keçirib. Azerisport.az xəbər verir ki, o, mümkün istefası barədə sualla bağlı bunları söyləyib:

"Effektli ynamağa çalışdıq. Çoxlu qol vəziyyəti yaratsaq da, bu, uğurlu nəticə qazanmaq üçün yetərli olmadı. Mən öz işimə qiymət verə bilmərəm. Mənim işim komandanı qarşıdakı oyuna hazırlamaqdır. Futbolçular bu məğlubiyyətə görə üzr istəyə bilərdilər. Bu nəticəyə görə hamımız məsuliyyət daşıyırıq. Seçmə mərhələyə uğursuz başlamışıq. Amma çox istərdim ki, indi xal ehtiyatımız daha yaxşı olsun. Buna baxmayaraq, qarşıda hələ 8 oyunumuz var".