Kamal Mirzəyev: Millimiz ən yaxşı oyununu Finlandiyaya qarşı keçirdi

Azərbaycanın gənclərdən ibarət yığmasının yarımmüdafiəçisi Kamal Mirzəyev AÇ-2017-nin seçmə mərhələsi çərçivəsində Finlandiyaya qarşı keçirdikləri oyunu şərh edib. Azerisport.az saytına açıqlamasında o, bunları söyləyib:

"Yaxşı oynadıq. Qələbə də qazana bilərdik. Xeyli qol vəziyyəti yaratdıq. Sadəcə, onlardan yararlana bilmədik. Finlandiyadan Bakıdakı məğlubiyyətin qisasını almaq istəyirdik. Tsiklə yekun vursaq, həm zəif, həm də güclü oyunlarımız oldu. Daha yaxşı çıxış edə bilərdik. Ən yaxşı oyunumuz elə səfərdə Finlandiyaya qarşı keçirdik. Ümumiyyətlə, son oyunlarımızı xüsusi fərqləndirərdim. Çünki son oyun həmişə yaddaqalan olur. Bundan sonra mənim də hədəfim əsas yığmaya düşməkdir".