Samir Əliyev: Norveçə qalib gəlmək lazımdır

Azərbaycan yığmasının sabiq hücumçusu Samir Əliyev millimizin DÇ-2018-in seçmə mərhələsi çərçivəsində Norveçə qarşı keçirəcəyi oyunla bağlı fikirlərini bölüşüb. Azerisport.az saytına açıqlamasında o, bunları söyləyib:

"Mənə elə gəlir ki, bu rəqiblə layiqli mübarizə aparmaq üçün gücümüz çatar. Bu gün qələbə qazanmaq lazımdır. Düzdür, San Marinoya qalib gəlsək də, parlaq oyun sərgiləmədik və buna görə kimlərinsə pessimist olması mümkündür. Amma Norveç tam fərqli rəqibdir. Deməli, oyun da tam fərqli olacaq. Həm də rəqibi doğma meydanda qəbul edəcəyik. Motivasiya və məsuliyyət çox böyükdür. Tənqidlərdən sonra yığmanın toparlanacağını düşünürəm".