Əfran İsmayılov: Millimiz daha çox xal toplamaq istəyirsə, qələbə qazanmalıdır

Futbol üzrə Azərbaycan yığmasının yarımmüdafiəçisi Əfran İsmayılov DÇ-2018-in seçmə mərhələsi çərçivəsində Norveç və Çexiyaya qarşı keçiriləcək oyunlar öncəsi fikirlərini bölüşüb. Azerisport.az saytına açıqlamasında o, bunları söyləyib:

"Norveç də, Çexiya da ciddi komandadır. Millimizi bu komandalarla çətin oyunlar gözləyir. Çox istərdim ki, bu oyunlarda yığmamıza kömək edim. Amma zədə səbəbindən millidən kənarda qaldım. İnanıram ki, komandamız bu görüşlərdə uğurlu nəticələr qazana biləcək. Daha çox xal toplamaq istəyiriksə, qələbə qazanmalıyıq. Norveçə doğma meydanda qalib gəlmək üçün maksimum güc sərf etməliyik. Çexiyadan da səfərdə 1 xal almaq olar. Buna nə dərəcədə nail olacağımızı oyunlar göstərəcək".