Millimiz seçmə mərhələyə heç-heçə ilə yekun vurdu

Bu gün 21 yaşadək futbolçular arasında Avropa çempionatının seçmə mərhələsində növbəti oyunlar keçirilib. Azerisport.az xəbər verir ki, 7-ci qrupda mübarizə aparan Azərbaycan millisi AÇ-2017-nin seçmə mərhələsində son matçına çıxıb.

Yaşar Vahabzadənin çalışdırdığı yığmamız tsikli səfərdə başa vurub. Komandamız Finlandiya ilə üz-üzə gəlib. Ötən il Bakıda bu rəqibinə məğlub olan (0:1) millimiz həm də qisas almaq istəyində idi. Amma qarşılaşma qolsuz başa çatıb.

AÇ-2017-nin seçmə mərhələsi
7-ci qrup
7 oktyabr

Finlandiya – Azərbaycan - 0:0
Sarı vərəqə: F.Lassas, 39. K.Mirzəyev, 44. A.Hüseynov, 78.
Baş hakim: Peter Kesqor-Andersen (Danimarka).
Helsinki. “Toolon” stadionu.

Finlandiya: 1. Otso Virtanen, 3. Riçard Yensen, 4. Mikko Viitikko, 8. Qlen Kamara, 9. Matti Klinqa (5. Nnaemeka Anyamele, 73), 10. Simon Skrabb (k), 13. Hampus Holmqren, 15. Yujo Pirttijoki, 17. Fredrik Lassas (11. Piri Soiri, 73), 20. Fredrik Yensen, 21. Robert Teylor.
Ehtiyat oyunçular: 12. Karlyohan Eriksson, 6. Yoona Veteli, 14. Felipe Aspeqren, 18. Tatu Miettunen, 22. Matias Oyala.
Baş məşqçi: Tommi Kautonen.
Azərbaycan: 1. Şahruddin Məhəmmədəliyev, 2. Rahil Məmmədov, 5. Sadiq Quliyev, 6. Vüqar Mustafayev, 7. İltər Taşkın, 11. Mahir Mədətov (4. Sertan Taşqın, 90+4), 15. Kamal Mirzəyev, 16. Yusif Nəbiyev, 17. Abbas Hüseynov, 19. Orxan Əliyev (8. Ehtiram Şahverdiyev, 74), 20. Azər Salahlı (k).
Ehtiyat oyunçular: 22. Tərlan Əhmədli, 9. Elnur Cəfərov, 13. Tural Hümbətov, 21. Budaq Nəsirov, 23. Fəhmin Muradbəyli.
Baş məşqçi: Yaşar Vahabzadə.