Millimiz yenə məğlub oldu
19 yaşadək futbolçulardan ibarət milli komandaların Avropa çempionatının seçmə mərhələsində Azərbaycan yığması bu gün Litvada ikinci oyununa çıxıb. Azerisport.az xəbər verir ki, Nazim Süleymanovun çalışdırdığı komandamız Bosniya və Hersoqovina ilə qarşılaşıb.
Komandamız bu görüşdən məğlubiyyətlə ayrılıb - 1:2.
Qeyd edək ki, millimiz ilk görüşündə Avstriyaya 1:4 hesabı ilə uduzub. Bosniya və Hersoqovina isə Litvaya böyükhesabla qalib gəlib - 3:0.
AÇ-nin seçmə mərhələsi
5-ci qrup
6 sentyabr
Bosniya və Hersoqovina - Azərbaycan - 2:1
Qollar: Amar Sulyiç, 43 (1:0). Murad Xaçayev, 68 (1:1). Bencamin Hadjiç, 81 (2:1).
Hakimlər: Conatan Lardo (Belçika), Frederik Qodelayn (Belçika), Vitis Snarskis (Litva), Manfredas Lukyançukas (Litva).
Bosniya və Herseqovina: 1. İqor Markoviç, 2. Şevkiya Resiç, 3. İvan Miliçeviç, 4. Mato Staniç, 5. Toni Nikiç, 6. Besim Şerbeşiç, 7. Denis Jeriç, 8. Emir Bijeliç, 9. Ermedin Demiroviç (14. Benjamin Hadjiç, 67), 10. Zinedin Mustedanaqiç (15. Yasmin Çelikoviç, 83), 11. Amar Sulyiç (18. Semir Smailaqiç, 90+1).
Ehtiyat oyunçular: 12. Valentino Joviç, 13. Marko Çubrilo, 16. Mariyan Çavar, 17. Stipe Juriç.
Baş məşqçi: Toni Karaçiç.
Azərbaycan: 12. Süleyman Süleymanov, 2. Amin Seydiyev, 3. Emil Əliyev, 5. Əli Əliyev, 6. Anton Krivotsyuk, 9. Camal Camalov (8. Ruslan Hacıyev, 67), 11. Rövlan Muradov, 13. Hacıağa Hacıyev (k), 17. Murad Xaçayev, 18. Famil Camalov, 19. Tural Bayramlı (7. Fərid Nəbiyev, 46).
Ehtiyat oyunçular: 1. Elnur Orucov (k), 10. Ziya Əzizov, 14. Yusif Cəfərov, 20. Ömər Buludov.
Baş məşqçi: Nazim Süleymanov.
