Murad Xaçayev: Millimiz Avstriyadan heç nədə geri qalmadı

Azərbaycanın U-19 yığmasının və Ukraynanın "Şaxtyor" klubunun yarımmüdafiəçisi Murad Xaçayevin azerisport.az saytına müsahibəsi

- AÇ-nin seçmə mərhələsi çərçivəsindəki ikinci oyununuzu bu gün Bosniya və Herseqovinaya qarşı keçirəcəksiniz. Bu görüşə necə hazırlaşmısınız?
- Rəqib güclüdür, yaxşı oyunçuları var. Amma biz də meydana qələbə üçün çıxacağıq. Çünki itiriləsi heç nəyimiz yoxdur.

- İlk turda Avstriyaya 1:4 hesablı məğlubiyyətə nə səbəb oldu?
- Matça heç də yaxşı başlamadıq. Buna görə də meydanı məğlub tərk etdik.

- İkinci hissədə yığmamız azlıqda da qaldı. Çox çətin idi?
- Fasilədən dərhal sonra buraxdığımız qol bizə çox pis təsir göstərdi. Yenicə özümüzə gəlməyə, hücum etməyə başladığımız vaxt oyunçularımızdan biri qırmızı vərəqəaldı. Azlıqda qaldıqdan dərhal sonra daha bir qol buraxdıq. Ondan sonra artıq bu oyunda dönüş yaratmaq şansımız qalmadı.

- Qırmızı vərəqə olmasaydı, Avstriyadan xal ala bilərdiniz?
- Rəqibdən heç nədə geri qalmırdıq. Sadəcə, həmin gün bizim günümüz deyildi.

- Baş məşqçi Nazim Süleymanov matçdan sonra nə dedi?
- Səhvlərimizi göstərdi. Dedi ki, ikinci oyunda daha yaxşı çıxış edib, qalib gəlməliyik.

- Komandamız psixoloji cəhətdən bosniyalılarla oyuna hazırdır?
- Fikrimcə, bu baxımdan problem olmayacaq.

- Həm yığmada, həm də "Şaxtyor"da fərdi oyuna üstünlük verdiyiniz anlar olur. Avstriya ilə görüşdə niyə belə olmadı?
- Komandamız azlıqda qalandan sonra mən də müdafiəyə çəkildim. Hücuma demək olar ki, getmirdim, uşaqlara kömək edirdim.

- Son turda meydan sahiblərinə - litvalılara qarşı mübarizə aparmaq çətin olmayacaq?
- Litva ilə oyun barədə bosniyalılarla görüşdən sonra düşünmək lazımdır. Həm də bizim üçün meydan sahiblərinə və ya başqa komandaya qarşı oynamaq fərq etmir.

- Hazırda U-19-un düşərgəsində cəmi iki legioner var ki, onlardan da biri siz, digər Ziya Əzizovdu. Üzərində daha böyük məsuliyyət, təzyiq varmı?
- Xeyr, hər şey qaydasındadır. Heç bir təzyiq yoxdur.