Ramin Musayev: Əlimizdən gələni edəcəyik ki, klublar kubokda layiq olduqları yeri tutsunlar
Peşəkar Futbol Liqasının prezidenti Ramin Musayev Azərbaycan Kubokunun yeni mövsümünün püşkatma mərasimində fikirlərini bölüşüb. Azerisport.az xəbər verir ki, o, bunları söyləyib:
"Ölkə kubokunda ötən mövsüm uğurlu alındı. Bu mövsüm də əlimizdən gələni etməyə çalışacağıq ki, hər bir komanda layiqli yeri tutsun. Bizim tərəfimizdən heç bir problem yoxdur və ola da bilməz. Bizim üçün klublar arasında heç bir fərq yoxdur. Hakimlərin də klublar arasında heç bir fərq qoymamasına çalışacağıq. "Qarabağ"ın Avropa Liqasında İtaliya "Fiorentina"sına qarşı keçirdiyi səfər oyununda göstərilən qırmızı vərəqəni hamınız gördünüz. O qırmızı vərəqə bizim çempionatda göstərilsəydi, indi hamı hakimin kobud səhvə yol verdiyindən danışırdı. Bütün klublarımıza uğurlar arzulayıram".
