Emil Balayev Qarabağla müqavilə imzaladı

Almaniyanın "Ayntraxt" (Frankfurt) klubundan ayrılandan bəri özünə yeni iş yeri axtaran qapıçı Emil Balayev nəhayət ki, istəyinə çatıb. Azerisport.az xəbər verir ki, uzun müddət fərdi məşq edən, bir müddət öncə Almaniyanın "Ayntraxt" (Braunşveyq) klubuna baxışa getsə də, bəyənilməyib vətənə qayıdan qolkiper "Qarabağ"la anlaşıb.

Tərəflər artıq müqavilə də bağlayıblar. Məlumatı saytımıza açıqlamasında Emil özü də təsdiqləyib: "Bəli, bu gün "Qarabağ"la mövsümün sonunadək müqavilə bağladım".

Qeyd edək ki, Balayev "Qarabağ"ın son bir ayda transfer etdiyi ikinci qapıçıdır. Bir müddət öncə Ağdam klubu legioner qapıçı Boyan Şaranovu heyətinə qatmışdı. Onlarla yanaşı, "Qarabağ"da əsas qapıçı İbrahim Şehiç və Şahruddin Məhəmmədəliyev də var.