Paşayevsiz Stal məğlub oldu

Futbol üzrə Ukrayna çempionatında 10-cu turun oyunları keçirilib. Azerisport.az xəbər verir ki, Azərbaycan yığmasının müdafiəçisi Pavel Paşayevin komandası - "Stal" da növbəti matçına çıxıb.

Sözügedən klub doğma meydanda "Çernomorets"lə qarşılaşıb. Futbolçumuzun komandası bu görüşdən məğlubiyyətlə ayrılıb - 1:2.

Paşayevin adı bu görüşün iştirak ərizəsində yer almayıb.

Qeyd edək ki, "Stal" 10 turdan sonra 7 xalla 12 klub arasında 10-cu pillədə qərarlaşıb.